2021年第季投資市場展望

 

2021年第二季回顧

 

  美、中企業首季盈利符合預期;根據兩國官方公佈,武漢肺炎疫情好明顯出現緩和跡象,第二季股市走勢持續向好。美國道瓊斯工業平均指數上升了4.5%,沪深綜合指數上升3.5%。香港企業首季盈利符合預期,武漢肺炎感染人數亦維持非常低水平,但由於政治因素影響同政府管治失效,第二季恒生指數表現跟唔上美、中兩地指數走勢,全季下跌咗0.4%。

 

來源:Yahoo! Finance

  環球市場方面,儘管部份國家如印度、印尼、巴西等嘅疫情再度爆發,導致實施新出入境限制措施,但喺大規模疫苗接種計劃同埋財政刺激政策嘅支持下,加上美、歐、日等主要國家疫情並冇出現轉差問題,各國股市走勢整體上並冇明顯轉弱,為2021年下半年環球股市表現劃上不錯嘅開引號!

 

2021年第三季市場展望

 

  隨住各國武漢肺炎疫苗接種率不斷攀升,全球貿易同出入境正常化仍在進行當中。當然,由於過去環球主要國家推出極度寬鬆嘅貨幣政策所引起嘅通貨膨脹仍然係投資市場嘅擔憂,但到目前為止,通脹率飆升睇起嚟只係過渡性質,原因係美國聯儲局認為縮表政策唔太可能喺短時間內展開或大規模推行。我們期待嘅環球貿易同經濟復甦,喺週期性行業嘅帶動下,企業盈利必然得以改善,並有機會令部分已發展國家嘅GDP向住高峰重新出發,係咁嘅情況底下,促使投資者考量企業嘅價值因素,有利於股票投資;環球資金流入股票市場,同時間令投資者情緒改善,推動股指上升。

 

  到目前為止,雖然投資市場仍然對往後嘅政經情況感到樂觀,但投資者仍然須要密切注意以下風險:

  1. 歐美經濟仍處於困境,且看各國點樣制定同執行復甦經濟方案同埋其實際成效;
  2. 中国與美、加、歐、澳、印度等國就國際議題爭拗斷,地緣政治風險不容忽視;同埋
  3. 通脹持續回升導致貨幣政策提早轉向,引發股市大幅波動。

 

踏入2021年第三季,投資者可關注下面股票市場嘅投資策略同主題:

 

美國

  • 標準普爾500指數收益增長喺第一季度超越預期(預測24%,實際係52%),跟住環球貿易慢慢正常化,我哋預計今年下半年美國經濟將保持增長,美國企業第二季度業績嚟緊會明顯轉強。
  • 美國拜登政府推出9萬億美元財政刺激計劃嘅滯後效應令消費活動喺第三季持續反彈,美國消費者現有嘅儲蓄正好提供美國經濟增長進一步上行空間。
  • 基於上述嘅經濟動力,市場保持對2021年實際國內生產總值(GDP)增長率約為7%嘅預測。即使聯儲局有機會開始討論減少買債,但我哋預期最初嘅削減幅度應相對較少。
  • 儘管如此,我哋相信美國三大指數表現已反應市場對美國依家經濟狀況嘅預期,兼且充裕嘅資金持續流入股市令股市估值越嚟越貴,指數嘅未來升幅可能會收窄。所以現階段美股走勢可被視為投資其他股票市場嘅參考。
  • 雖然我哋預期通脹率上升只係短期現狀,同埋預期聯儲局喺2023年底或者2024年初之前維持相對寬鬆嘅貨幣政策,基準利率將維持喺零水平。但係我哋仍會觀察五年通脹預期同工資增長嘅預測,藉以留意通脹升溫係唔係比預期更加持久,從而引致加息速度快於預期嘅訊號。
  • 我哋認為非美國市場股票同中小型股票有機會跑贏之前走勢強勁嘅美國三大指數成份股。

 

歐元區

  • 喺武漢肺炎感染率下降嘅情況下,歐洲多個國家正開始積極重新啟動經濟活動;同時間,歐盟區內嘅疫苗接種率亦穩步上升,歐洲經濟應該喺第四季度前會重上正常軌道。之後嘅經濟復甦可能會非常厲害,繼上年GDP下跌接近7%之後,今年應該會反彈大約5%。
  • 歐盟復甦基金嚟緊會協助南歐國家維持經濟動力。基金嘅資金援助同貸款總額相當於意大利GDP嘅12%或希臘嘅19%。
  • 喺德國,市場推測綠黨喺9月嘅聯邦選舉有機會同基督教民主聯盟組成聯合政黨,推動更多擴張性財政政策。
  • 歐洲央行預期喺第三季繼續維持高度寬鬆政策,充裕嘅流動性支持歐洲股票市場。我哋相信投資者仍會關注傳統價值同週期性行業嘅股票投資。
  • 我哋預期反映歐盟經濟嘅MSCI EMU指數喺2021年嘅表現將會跑贏標普500指數。歐洲嘅金融同周期性敏感行業(例如工業、原材料同能源)以及科技行業將會跑贏大市。

 

英國

  • 由於英國疫苗接種速度加快,經濟活動已經喺第二季開始逐漸復甦。
  • 市場預期2021年英國GDP增長率由上年下跌9%大幅反彈至7%。
  • 英格蘭銀行仍會喺復甦階段維持利率不變,國債孳息率因而受控,並且同美國國債孳息率保持一致。
  • 英國股市係近年嚟表現最差嘅市場,但係隨住經濟走出低谷,前景正在改善。富時100指數喺主要市場中最平,我哋預計英國企業盈利喺2020年下跌35%後將大幅反彈。金融,工業,零部件同埋小型股值得關注。
  • 自從上年武漢肺炎大流行以嚟,英鎊兌美元已經升值20%。隨住英國經濟前景好轉,英國資產可以看高一線。但必須留意嘅係大約70%嘅英國企業收益嚟自海外,英鎊進一步走強將會抑制企業盈利增長。
  • 針冇兩頭利,英國放鬆防疫措施可能會引起武漢肺炎再次大規模爆發,增加經濟前景嘅唔確定性。

 

亞洲區(日本、中国除外)

  • 受惠聯儲局同其他主要央行寬鬆嘅貨幣政策支持,宏觀經濟環境有利於新興亞洲嘅風險資產。加上美元喺低位徘徊,吸引資金流入亞洲,利好亞洲股市。
  • 今第二季中,亞洲大多國家加快推出疫苗,同時接種率又明顯改善,呢啲直接增加咗區內提早放寬防疫措施嘅可能性。
  • 因為受惠於預期嘅美國消費需求、亞洲出口導向型經濟體表現持續出色。
  • 強勁嘅全球製造業前景同正在上升緊嘅商品價格進一步支持亞洲經濟體嘅增長前景。
  • 但係我哋必須留心美元走勢。若果美國聯儲局調升美元息口,亞洲股市或會面臨資本外流嘅影響而導致大幅下滑。

 

中国

  • 美中局勢仍然處於緊張情況,中国維持對外嘅戰狼式強硬態度令到當前局勢更加唔明朗。
  • 中国政府喺第二季開始放寬緊縮政策,好可惜已現疲態嘅国家經濟仍然睇唔到有任何改善。
  • 中国政府推出嘅激勵措施(例如購買汽車)同埋官方預計就業情況進一步改善所帶來嘅家庭收入增加,嚟緊會推動國內消費,同時令消費品生產方面直接得益。但係中国嘅官方數據真係好難令正常人信服。
  • 中國上年喺「十四五規劃」推出嘅「內循環」概念同加強核心技術突破政策仍然係炒作國內經濟增長嘅主要藉口,隨住国內晶片研發龍頭紫光集團宣佈破產,加上連6至10億貧民急切需要嘅就業政策—地攤經濟都因為政鬥原因而胎死腹中。我哋喺過去兩季仍未睇到生活必需品、藥物產銷、生物科技及電動車等行業喺收益方面明顯受惠,如果第三季出現數字上嘅成效亦只可以用嚟繼續炒作。
  • 信貸惡化嘅速度快過預期,特別係如上面所講嘅晶片製造同房地產行業。雖然市場相信大部分放緩已經喺今年前五個月反映出嚟,國內消費仍有後來追趕嘅潛力,經濟亦會受惠於全球經濟復甦,但中国嘅FDI同A股嘅表現已經說明一切。我哋對於中国企業嘅信貸情況喺依家緊張嘅政治局勢之下,對環球股市所引發嘅連鎖反應感到非常憂心,加埋人民銀行更為審慎管理債務所增加嘅風險,將會令中国嘅信貸增長進一步放緩,企業資金鏈斷裂嘅壓力將會大大增加。
  • 中国政府對中国科技公司嘅的監管日益嚴緊,特別係佢哋涉足金融服務領域話,嚟緊會成為嚟緊半年中国投資市場最為坎坷嘅焦點。我哋預測監管措施加上反壟斷法將會持續執行,中国科技巨企真正“大鑊鳥”。

 

香港

  • 債券孳息率上升促使資金從增長股流入價值股,喺企業估值仍然相對較低同現金流逐步改善嘅情下,收息股或現金流強勁嘅藍籌股仍然係現階段港股投資組合嘅核心。
  • 雖然武漢肺炎疫情喺今年第二季開始緩和,但限聚令同對外外封關措施卻只係條件性放寬,澳門博彩、零售、旅遊娛樂、住宿餐飲服務及運輸等服務性行業均未能受惠。
  • 美元仍處於弱勢,港元投資仍相對便宜;純以貨幣因素嚟講,人民幣升值有助內地資產價格上升,同時有利以內需為主嘅中資企業嘅資產負債表,從而提升公司估值,如果你想短線跟隨強国資金炒作嘅話。。。
  • 「十四五規劃」綱要相關主題及中国本土市場開放造就投資機會假象,包括內需、創新技術、生物科技、醫療藥品、綠能環保、數位化經濟和金融開放等領域。當然大陸国有炒家必定唔會錯過任何呢類相關嘅故仔。
  • IPO市場第二上市令香港成為中国更為重要嘅集資渠道,但喺第二季開始,美中政治局勢再現緊張氣氛,加上香港行政、立法同司法系統慘被強暴漸漸影響國際資金流入香港股票市場的規範和速度。同一時間,二、三流嘅中国企業嚟香港圈錢將會更加猖獗。

 

投資啟示

   

  上季分析報告指出,由於國債孳息率由低位上升,股票投資會為投資者帶來正回報。即使今季股市可能出現波動,但市場調整正是投資者喺投資組合中重新配置股票嘅極佳機會。

  雖然部分成熟市場經濟增速有機會已喺第二季見頂,但喺整體寬鬆政策嘅支持下,經濟增長趨勢仍維持不變;加上經濟合作暨發展組織(OECD)上調咗多個大型經濟體系喺今年嘅經濟增長預測,市場因而對企業盈利增長持續上調,股市估值應該較年初吸引;我哋認為股市表現喺第三季仍然比較大機會領先債市。但基於上述各種唔明朗因素有機會引發主要市場劇烈震盪,我哋因此稍微下調對股市嘅看法,但整體依然繼續看好。2021年第三季,投資者可減持部份美股,加注英國,歐元區及亞太區(日本、中国除外)股票,藉此加強投資組合嘅獲利能力。但投資者必須注意環球通脹壓力情況,如果供應調整速度持續追唔上需求,通脹率可能比原先嘅預期更高同維持更長時間,令到環球央行寬鬆政策提早轉向,美元因而轉強,促使資金外流而導致受惠於弱美元嘅亞洲股市首當其衝。

  我哋亦維持科技股作為長期策略性股票配置嘅核心,如果相關股票價格跟隨大市下跌出現大約20%嘅深度調整,亦可視為買入嘅最佳時機。

對於擔心近期通脹上升嘅香港投資者嚟講,可以將現金分散至對沖通脹嘅資產上,例如通脹掛鈎債券、短期高收益企業債券、新興市場債券同商品等,從中發掘收益機會。至於房地產方面,雖然中原城市指數處於高位,但樓價走勢顯然咁跟唔上成交量嘅升幅,呢個係我哋對樓市睇法轉為保首嘅原因之一,而固中原因大家都心中有數喇!

  至於中国同香港股票市場,由於地緣政治嘅不確定性,風險溢價將會提升。我們對中国同香港市場嘅睇法維持看淡,對長線投資者嚟講更係生人勿近!

 

 

2021年第二季投資市場展望

踏入2021年第二季,武漢肺炎疫情並冇因為乜嘢科興、復必泰等疫苗推出而轉趨緩和,受疫情影響較為輕微嘅亞太地區嘅經濟活動仍然唔能夠回復正軌,就此小弟對2021年政經情況仍未感到樂觀,下面列出嘅風險更唔可以忽視:

  1. 歐美經濟仍然處於極大困境,各國制定同執行嘅復甦方案對實體經濟起唔到很大作用;
  2. 中国嘅疫苗外交搶灘,加上戰狼上身與美、加、歐、澳、印度等國就國際議題,包括香港和新彊人權,印中邊境,南海霸權同埋台灣主權等問題越爭越拗,越演越烈,地緣政治嘅風險不容忽視。

喺咁嘅情況底下,要歐美經濟仍能喺四月脫離低谷,肺炎疫情可以緩和,從而令主要國家嘅貨幣政策逐步回復正常,可預期機會等於零。呢啲因素將會令市場重新考慮風險資產嘅估值,市場回歸以盈利驅動為主:

美國

美股三大指數今年開局承接上年季尾強勢,可惜全球武漢肺痰所造成嘅社會成本持續上升,美國經濟因疫情肆虐而受到嚴重打擊。若果美國企業首季盈利未如理想,資產價格(股價)便會作出大幅度修正,第二季初將會出現深度嘅調整。

  • 民主黨嘅加稅主張和反壟斷政策喺今年上半年將會影響高估值科技股嘅投資前景。
  • 民主、共和兩黨互相唔信任,聯邦政府難以單靠聯儲局嘅貨幣政策解決高失業率同政府財赤等問題。
  • 若然美股出現深度調整,受惠於產業結構性成長趨勢嘅應用科技,電子商貿同醫療保健行業會係重要嘅撈底目標。
  • 直接受疫情負面影響嘅行業,如航空、銀行、地產等,其相關公司股價調整到2020年6水平就係買入嘅最佳時機。
  • 受惠於估值調整同行業週期性上升趨勢嘅美國小型股亦替市場帶嚟投資機會。

中国

  • 預期美元走勢持平或轉弱,美國左膠政黨民主黨上場後嘅貿易政策可預期變得表面示強,實際軟弱,歐美等國家非理性咁為咗眼前嘅經濟利益而同共党重返談判桌,好無耐,中国經濟將直接受惠。
  • 部份如環保同抗疫等議題將重回中美雙方合作關係,環保同醫療藥業股將受到關注,但同時造就更多中国企業嘅假帳陷阱,引君入甕。
  • 中国本土市場開放,如金融業同醫藥行業,同埋同其他國家關係改善,外資大鱷仍會持續流入中国市場,表面上有利中國「十四五規劃」提出嘅「雙迴圈」戰略,但係大家都知道,呢啲可笑嘅內圈外圈,唔理點樣迴環,只要歐美各國喺適當時機同中国反枱,支那經濟隨即爆破,請小心!
  • 反枱前,中国以「內迴圈」為主要經濟增長引擎,「外迴圈」做輔助,利用龐大嘅老百姓消費提供國家企業轉型同提高盈利增長嘅機會,亦想將產品品質同規格做到好似附合世界標準,從而幫助外銷以賺取外匯。原本估值好高嘅電子商貿,科技產業,生活必需品同藥物產銷嘅股價會變得更加昂貴,圈錢套現亦變得更加容易。
  • 中国希望靠「十四五規劃」加強創新實力嚟幫助核心技術,如晶片等取得突破。預料中国政府將會進一步宣傳推出財政支援同相關政策,刺激供應鏈升級同工業自動化,到時會有更多所謂龍頭公司陸續冒起,特別係生物科技同電動車等尋求自主創新嘅行業。

香港

  • 依家恒生指數已經反映咗公司業績,企業盈利同派息表現將恢復正常。喺企業估值相對較低同現金流改善嘅情況下,可以收息公用股為港股投資組合嘅核心。
  • 武漢肺炎疫情喺從未封關嘅情況下持續由外地同中国輸入,持續嘅限聚令,社區封關同限制出入境等措施將對澳門博彩、零售、旅遊娛樂、住宿餐飲服務、運輸等行業帶嚟前所未有嘅衝擊。
  • 美元弱勢亦令港元投資相對變得便宜;而人民币升值有助內地資產價格上升,有利以內需為主嘅中資企業嘅資產負債表,從而提升公司估值,當然,價格水份亦變得高處未算高。
  • 「十四五規劃」綱要相關主題同中国本土市場開放嘅投資機會,包括內需、創新技術、生物科技、醫療藥品、綠能環保、數位化經濟同金融開放等領域,嚟緊會北水南流,大炒特炒,跟住就大割禾青,前提係歐美各國冇同中国反枱。
  • 香港IPO市場可以繼續畀中国企業圈錢同吸納外匯,集資額可料再創新高。

心水之選

認真咁講,從公司嘅資產價值,現金流,收入增長,利潤率,市場佔有率,債務及經濟狀況等多重因素考慮,以持貨1年或以上為目標,小弟從環球股市揀選咗可以喺疫情過後緊隨大盤修正和持續發展嘅上市公司作為中長線投資目標。下面股票係小弟個人嘅投資觀察名單:

  • 金融:AIA (1299 HK),AIG (AIG US)
  • 媒體:Altice Europe (ATCNA),AT&T (T US),Roku (ROKU US)
  • 醫療保健:AstraZeneca (AZNLN),第一三共 (4568 JP),Zimmer Biomet (ZBH US),長江生命科技 (0775 HK)
  • 食品科技:Beyond Meat (BYND US),Just Eat (JE/LN)
  • 基礎設施:Nokia (NOK US),Cellnex (CLNX SM)
  • 高新科技:Keyence (6861 JP),Tesla (TSLA US)
  • 工業:Cree (CREE US),Siemens (SIE GR)

 

謙虛 – 30 Mar 2021 at 7 pm

 

 

 

 

RM: 明明錄哂音,個客簽哂名都話我miss selling? (算_數,鬼叫我銀行狗)

試幻想一下你要買投資產品,你要先做一個風險評估問卷係要經錄音去做,之後仲要做一啲評估,再簽返兩三個名,然之後買嗰刻仲要做個三十分鐘嘅錄音仲要加埋見證。當然啦你要矇嘅話一定矇到嘅,但有啲難度。

 

自己行業自己救

作為一個由Broker界轉去銀行從業員已經三年嘅人今日睇到蘋果單中銀同事違規銷售呢件事有啲野想講下,雖然唔係做咗好耐但係都見到好多人同事點樣處理。 我聽過一個例子就係一個客佢買嘅時候乜都知,知隻基金好高風險,但係個客就係想博下兩三個月賺返十幾%,當然結果就係個客最後輸錢,但個客亦都好清楚如果一投訴銀行就一定會賠返所有錢俾佢,咁你會問咁個同事會點樣,係個客嘅角度佢冇所謂就算個同事冇咗份工坐監都唔關佢事。

 

佢只係想要佢自己落錯決定而損失嘅錢,我想帶出嘅係唔係個個都係咁但係係會有啲咁嘅客,以而家嘅監管制度根本冇可能個客完全唔知嘅情況下去買嘢。 試幻想一下你要買投資產品,你要先做一個風險評估問卷係要經錄音去做,之後仲要做一啲評估,再簽返兩三個名,然之後買嗰刻仲要做個三十分鐘嘅錄音仲要加埋見證。當然啦你要矇嘅話一定矇到嘅,但有啲難度。歸根究底就係自私亦造成今日香港。 喺另一單嘅新聞入面講,銀行嘅客戶經理月薪大概兩萬蚊底薪,如果到數嘅話會有五萬蚊一個月,話係做咗呢行超過20年嘅Emily講,然而除咗Junior RM之後,未見過低過3萬底薪嘅RM,但係銀行嘅客戶經理人工基本上有七成左右係底薪,如果講分錢嘅話,咁當然要睇邊個銀行啦,但如果佢係行山、大貓、阿爺嘅話,講真底薪可能佔人工七八成,但佢地跑緊嘅Target人工十倍以上(睇職位)🤔其實正正反映銀行苛索無道,有二三十年前開始發展財富管理開始,target從來只係有增無減。 而同事好多時唔係因為為咗賺佣金而去踩鋼線,而係因為要應付上司同老闆比嘅心理同精神壓力。而銀行係理財工具上係好多野都可以賺錢,以基金為例,持有已經可以賺asset under management嘅管理費。

 

因為最主要而家嘅管理層大部份都係千禧年或之前做銷售人員,當時冇咁多法規上嘅監管,而佢哋做生意好多都只係同個客熟跟住叫個客簽名,同而家嘅生意Compliance 完全唔一樣,簡單啲來講即係唔貼地,再者銀行係生意模式上面已經跟唔上時代嘅進步,而家喺零佣金浪潮趨勢之下,銀行仍然只係以fee income 為主要收入,而唔係由wealth management 作為一個切入點去比最好嘅服務比客人。 睇去到呢度好多人都會講乜野精神同心理壓力而令到啲同事要踩鋼線犯法,其實做法不外乎都係喺言語上羞辱你啦、加重你工作負擔、加重精神壓力,例如簡單嘅有每30分鐘就嚟望一望你做啲乜、mon住你打咗幾多call、直接開波鬧你,進階啲嘅就有叫你早啲返工開會、叫你收工去批鬥大會、每朝嘅Morning con call入面用語言去羞辱你特登瘋狂問你數,再嚴重啲嘅就用程序去制治你PIP(Performance improvement plan)你,等你職場生涯留污點。

 

不過在數落去真係可以講足一日一夜,所以大家想知嘅就去問下自己身邊做銀行嘅朋友。關注銀行狗精神及心理狀況 而compliance 有機會係管理層迫成,試問吓你如果唔到數你攞老底同你到數你只係攞多兩成嘅人工,會唔會為咗呢樣野而冒着釘牌同坐監嘅風險去挺而走險?仲有樣就係你到數,間行未到都要跑; 間行到數,分區未到都要跑; 分區到數,大區未到都要跑; 大區到數,間bank未到都要跑; bank到數,CEO要拎大舊d bonus 都要跑,管理層365日全天候不停捽,彷彿石頭都可以捽出血一樣。而且最慘係一邊同你講compliance係最重要,一邊高度讚揚果d呃客錢爆數既RM,有咩事就秒速同你割蓆推你出去死。

 

我講咁多嘢唔係為咗幫RM洗白,有好多時呢個世界太多唔合理嘅嘢但係大家唔去理會就會令佢一直繼續發生。而黑幕唔一定淨係得金融界,我相信各行各業都會有,但係可唔可以唔好每次爆咗出嚟就一面倒去攻擊,歸根究底就係冇工會強而有力去保護員工,而奴性第一嘅香港人都無好好去保護自己。 最後想講一句,自己行業自己救

 

艾瑪師傅 – Nov 25, 2020 at 09:30 pm

 

國安法殺到,投資點算好?

國安法殺到投資點算好? 港版國安法由國家機器一致通過,中港被美國制裁在即,相信很多香港人會擔心個人資產會否受損。

今次筆者將會從「匯丶股丶樓丶金」四個範疇,簡單分析一下投資形勢,從而幫助大家決定資產調配方向。不過在探討之前,大家需要問自己3個問題:1.) 目前工作不算穩陣嗎?
2.) 家庭需準備應急錢嗎?
3.) 年紀已接近退休年齡了嗎?

如果三者均「是」的話,以下分析或者未必適合你。

問題一:國安法殺到,要立即將港元換成美金嗎?
(匯) 答:國安法的實施將令香港迎來美國制裁,最壞情況是港元將不能自由兌換美元繼而損及聯匯,加上走資因素均不利港匯。此外正如筆者上篇分享,目前不明朗因素令一年遠期港匯相對現貨極為低水,或預示港元有貶值甚至被衝擊的風險,加上現貨尚處7.75強方附近,代表美金相對港元的下跌空間有限,故現在的確是沽港元買美元的好時機!(按:仍需預留一定港元作生活及應急之用)

問題二:資金流在香港安全嗎?除了美金其他外幣可取嗎?
(匯) 答:的確目前美國有聲音要制裁在港的中資金融機構,或會禁止其使用環球銀行金融電訊協會(SWIFT)信息系統,切斷中外銀行的金融連接,故此本港存戶應該要考慮一下將存款由中資行調動至外資行以規避相關風險!當然,假如能將存款調至離岸戶口或Interactive Broker(IB)便更理想,但要留意前者開戶門檻較高。至於外幣選擇方面,人民幣不在選擇之列(不需解釋了吧),如只計主流熱門的貨幣,筆者認為較可取的是日元,主因看中其避險特性,以及其相對環球主要貨幣息差收窄的利好(日本利率減無可減!)

問題三:現在可以於股市趁機撈底嗎?還是要清倉離場?
(股) 答:雖然推出國安法之前港股估值已處於歷史偏低水平,但其實大部分大型股票的盈利能力已急轉直下,主因其內地業務佔比高,故受累於中美貿易戰及人民幣下滑,然而新經濟股份比例小卻不便宜。到國安法推出後,中美冷戰氣氛急升,預計人民幣走勢及中港經濟只會更差,預期盈利繼續跑輸環球的機率甚大,故並非撈底的理想目標!筆者認為,策略上應盡量撤出中資股,同時可小量配置美國科技及醫療科技板塊的ETF,如見明顯回調可逐步增持。此外清倉則不必,因為已過了拋售的最佳時機。

問題四:強積(逼)金及基金投資又要如何處理呢?
(股) 答:同上,先處理掉中資股基金,它是過去10年香港人強積金長期蝕錢的主要原兇之一!由於對大部打工仔來說,強積金「有排」都不能提走,加上每年管理費不低,故需選擇一些有長期成長潛力的市場或板塊作投資,例子包括美國IT及醫療科技板塊(新經濟)丶台灣及東協(受惠大陸產業外移)丶印度及墨西哥(人口紅利)。另外由於環球股市短線反彈過急,故宜保留部分放於貨幣市場基金或低風險債券基金。另一方面,由於強積金畢竟只能留港,於現今時勢不宜作自願性供款(按:應該沒有人這樣做吧!是我想多了吧…)

問題五:如何看香港住宅樓市前景?
(樓) 答:一個地方的樓市興衰除了要看經濟及供求之外,最重要還是資金流。過去10年雖然GDP及物價的升幅均不高,但在全民就業丶供應不足丶在留學及工作簽證者眾(拉高租金),再配合QE及大陸資金湧港丶利息極低,造就本港住宅呈雞犬皆升之狀!然而,香港獨立經濟體地位勢將失去,以上有利因素尚存幾個?再加上在港的大陸及外國資金加速撤離,樓價的下行壓力勢必大增。

問題六:應該立即賣出在港住宅物業嗎?買外國樓可行嗎?
(樓) 答:自住的房子大概不需要賣,主因買賣成本加上裝修開支合計動轍數十萬,而且租住也需要成本。相反,如單位用作投資收租,或短期內已有移民計劃,則趁目前市價仍高丶交投尚可的時間沽售屬可取,特別留意目前租金收入扣除各種開支及稅項後,淨回報率其實甚低!至於買外國樓方面,除非是移民自住用,否則隔山買牛下難有理想結果,筆者建議可選擇美國上市的房地產信托基金ETF(REIT ETF),貪其種類多交投密。

問題七:金價已經升了很多,現在仍可入市嗎?
(金) 答:黄金的價值在於保值,而現時最不保值的是貨幣(因為任印!)。過去一年金價大升正值美國再QE及大手減息,其他各國亦或多或少跟隨。預期環球財赤的問題長遠只會越來越嚴重,印鈔只會越來越多,通脹終會走高但息口難大升,負利率很大機會長期維持,意味持有黃金的機會成本低,金價易升難跌。由於每年第二季屬黃金的傳統淡季,應有趁回調吸納的機會,以作為保險旁身之用,唯緊記不宜用作投機或持貨過多。

最後,假如你覺得以上分析太難入腦,那麼只需記著以下六個字: 「港 元 資 產 勢 危」!

驚蟹 – May 30, 2020 at 9:45 am




《香港人LAST EVOLUTION》

最近連登最紅應該算上是「屎家軍」了,一個茶餘飯後的話題正正反映香港現時情況,筆者中、英、數、理、法一概不曉,來龍去脈亦太多不便重提,但由此可見香港人溫水煮蛙了二十多年,今時今日抗爭仍然忘不了形形式式的內鬥,最大的問題是什麼? 試想著2018年阿信屋(00759.HK)打著對抗大財團的可樂「合謀定價」,當日被攻擊的長江(00001.HK)到今天變成部份黃絲的黃。但最重要的是,長江仍然是長江,曾幾何時的敵人變成今天的同路人,恍惚只要我討厭你,你就是藍;我喜歡你,你就是黃。

 

當大家同一個立埸時,便需要証明我比你更黃的概念,應該來自己香港從來都是一個充滿競爭的城市,由出生搶奶粉;由讀書搶學校;由上班搶座位。就是要証明「我比你優越,我比你懂更多」從而在此索取更多優越感自豪感而活,但這些利為能真正幫到香港嗎? 依我看來「不分化不割蓆」是讓大家放下內鬥共同為香港奮鬥的一句說話,而香港正正上映了《香港人LAST EVOLUTION》,藍營成功是因為牠們從不鬥藍,但牠們失敗亦正正因為不思考,而黃營成功是因為大家有良知,有使命感,但在可見將來,失敗的原因亦因為這份優越感。不要讓口號轉變為「真‧口號」,最心痛是只要我討厭你,你就是藍;我喜歡你,你就是黃。

難道有一天喜歡美心,美心就會變黃?在香港大家都逼著喝東江水,那得罪說句大家都是藍。難道最美好的事物不是吸著敵人的資源去做正確的事嗎?香港地有多少人為中資工作?又可以直指他們全都是偽黃? 多少人會覺得「光復香港時代革命,五大訴求缺一不可」並不是口號,而是背負的事與物,願有天不再有黃衛兵,同一天空下為同一目標抗爭。

艾瑪師傅 – May 19, 2020 at 1:55 pm